Historia
Historia
As Orixes
As orixes deste restaurante remóntanse aos anos 50 cando Adolfo Pereira e Piedad Diéguez (avós do actual xerente) decidiron abrir unha taberna en Merza vinculada en parte ao servizo de todo o movemento social que se xeraba naquela época pola explotación do Minas de wolframio de Fontao. Ademais dos servizos de bar, a taberna elaboraba comidas e menús, facéndose famosa polos seus cocidos e polas troitas que alí se podían degustar.
Dúas fillas desta parella seguiron os pasos dos seus pais e deste xeito Milagros Pereira, unha vez emigrada a Estados Unidos, montou a súa propia empresa de catering e mesmo fixo traballos para a Casa Branca. Carmen Pereira segue traballando e xestionando a taberna fundada polos seus pais, que pouco a pouco vai collendo sona, tradición e bo facer.
No ano 2003, Natalia Guzmán Pereira tomou o relevo dos seus antecesores e comezou a xestionar a taberna, realizando reformas moi importantes no local para dotarlle dunha imaxe máis moderna e atractiva, convertendo tamén a empresa nunha sociedade anónima.
Pouco a pouco, O Refuxio S.L. Comezou a ampliarse e no ano 2007 abriu unha cervexería en Silleda que tamén está a ter moi boa acollida nesta localidade. No ano 2011, un pequeno chiringuito abriu as súas portas na zona biosaudable da Praia Fluvial da Carixa, facendo as delicias dos usuarios, organizando xogos e diferentes actividades lúdicas, artísticas e culturais (concertos, contacontos, degustacións…).
Nos últimos anos O Refuxio S.L. está a prestar con éxito cada vez máis servizos de catering para vodas, bautizos, comuñóns e diferentes eventos e celebracións que están a ter unha gran aceptación en toda Galicia e que fai que este restaurante estea participando con éxito nas feiras e eventos gastronómicos máis coñecidos do noso país. Para iso conta con todo tipo de mobles, tendas de campaña, medios de transporte, etc.
O bo facer da empresa O Refuxio S.L. Nos últimos anos levouna a acadar galardóns gastronómicos de gran prestixio como o 3o premio en 2010, 2o en 2012 e 1o en 2016 no concurso de empanadas organizado pola festa popular da empanada de Bandeira; o Premio Gastronómico Galo de Curral que outorga o Concello de Vila de Cruces ou o premio á mellor atención ao cliente que outorga a organización da feira gastronómica Xantar de Ourense. Nesta mesma feira, en 2016, a “Confraría Gastronómica Luso Galaica” outorgoulle o seu diploma de honra e a súa medalla de ouro, e a “Orde do Patrimonio Inmaterial Gastronómico Ibérico” concedeulle á súa xefa de cociña, Natalia Guzmán, a distinción de chef de 5 estrelas.
O restaurante O Refuxio tamén colaborou nos últimos tempos coa prensa escrita (La Voz de Galicia, Faro de Vigo, Diario de Pontevedra…), con programas de radio (“Galicia por diante” ou “Coñecer Galicia” na Radio Galega) e programas de televisión (“Boas Tardes” ou “Desafío entre fogóns” na TVG, “De bars” en VTelevisión…) ensinando algúns dos segredos do fantástico sabor e imaxe dos seus pratos.
Actualmente, esta hostalería está especializada sobre todo en cociña tradicional galega e nova cociña, aínda que a variedade tamén define a súa oferta gastronómica, coa súa carta con produtos da cociña española, grella, internacional, etc.
Por iso, tradición, familia, bo facer, modernidade e dinamismo son palabras que poderían definir a empresa de restauración e hostalería O Refuxio. O restaurante O Refuxio recibiu a finais de 2015 a distinción de restaurante de 3 estrelas.
A actual xerente, Natalia Guzmán, tamén foi solicitada en diferentes ocasións como xurado en diversos premios gastronómicos e como docente de cursos de distintos tipos de cociña.
Bota un vistazo ao Refuxio
A nosa Galería
